2016-cı ildə LDU-nun prorektoru təyin edilən MTN polkovnikinə hökm oxundu

24 İyn 2022 16:52
86

Külli miqdarda dələduzluqda ittiham olunan MTN polkovniki Bahadır Qocayevə hökm oxunub.

Ambur.az xəbər verir ki, Bakı Ağır Cinayətlər Məhkəməsində baxılan cinayət işi üzrə araşdırma bu gün yekunlaşıb. Hökmə əsasən, sabiq “MTN-şik” 5 il 6 ay müddətə azadlıqdan məhrum edilib.

Qeyd edək ki, o, vaxtilə ləğv edilmiş Milli Təhlükəsizlik Nazirliyinin polkovniki və Lənkəran Dövlət Universitetinin (LDU) prorektoru olub. 70 min manatdan çox pulu mənimsəməkdə ittiham edilib.

Eldar Mahmudovun MTN-ə rəhbərlik etdiyi dövrdə nazirliyin Qusar və Kürdəmir rayon şöbələrinin rəisi olub. "MTN işi" ilə bağlı araşdırmalar başladıqdan sonra təhlükəsizlik strukturundan çıxarılıb. 2016-cı ildə LDU-nun Ümumi işlər üzrə prorektoru təyin edilib və bir müddət sonra bu vəzifəsindən də azad edilib.

Oxşar xəbərlər