Azərbaycanlı iş adamı İstanbulda silahını təmizləyərkən ehtiyatsızlıqdan öldü

26 Mrt 2021 12:10
197

Türkiyədə silahını təmizləyərkən ehtiyatsızlıq nəticəsində başından yaralanan Azərbaycan vətəndaşı, iş adamı Nihad Əliyev xəstəxanada vəfat edib.

"Qafqazinfo"-ya istinadən xəbər verir ki, hadisə İstanbul şəhərində Beşiktaşdakı hotellərdən birində, yerli vaxtla saat 23:00 radələrində baş verib.

Şahidlərin ilkin ifadəsinə görə N.Əliyev silah ilə ehtiyatsız davranması nəticəsində silah açılıb və güllə onun baş nayihəsindən girib. Nəticədə N.Əliyev ağır yaralanaraq xəstəxanaya aparılıb.

Həkimlərin səylərinə baxmayaraq yaralının həyatını xilas etmək mümkün olmayıb.

Faktla bağlı yerli hüquq-mühafizə orqanlarının əməkdaşları araşdırma aparır.

Oxşar xəbərlər