Dünya əhalisinin sayı 8 milyardı ötüb

15 Avq 2022 04:53
79

Dünya əhalisinin ümumi sayı 8 milyardı ötüb. Onların 50,5 faizi kişi, 49,5 faizi isə qadınlardır.

Ambur.az bildirir ki, bu barədə “Report” “Countrymeters” xidmətinə istinadən xəbər verir.

İndi əhalinin sayı ildə 90 milyon nəfərdən çox artır.

Dünya əhalisinin 70%-dən çoxu 20 ən sıx məskunlaşan ölkədə yaşayır. Çin hazırda dünyanın ən sıx məskunlaşdığı ölkə olsa da, Hindistanın əhalisi daha sürətlə artır. 2023-cü ildə Hindistanın bu reytinqdə Çinin yerini alacağı gözlənilir.

Qeyd edək ki, dünya əhalisinin təxminən 36%-i Çin və Hindistanda yaşayır.

Dünya əhalisinin yarıdan çoxu özünü dini qrupa aid edir. Ən böyük qruplar bunlardır: Xristianlıq (32%) və İslam (24%).

Dünyada ən çox görülən beş ölüm səbəbi isə bunlardır: işemik ürək xəstəliyi, insult, aşağı tənəffüs yollarının infeksiyası, xroniki obstruktiv ağciyər xəstəliyi, traxeya, bronxlar və ağciyər xərçəngi.

Oxşar xəbərlər