Masallıda yanğın zamanı ana və iki övladı ölüb, xəsarət alanlar var - Fotolar

07 Sen 2022 04:36
95

Masallı rayonunun Hüseynhacılı kəndində üç nəfərin ölümü və iki nəfərin xəsarət alması ilə nəticələnən yanğın baş verib.

Ambur.az APA-ya istinadən, yanğın 1951 -ci il təvəllüdlü Kəlbiyev Alim İbad oğluna məxsus, sahəsi 300 kvadratmetr olan evdə baş verib. 

Yanğın 2 mərtəbəli evin 1 ci mərtəbəsindən başlayıb.

Nəticədə ana 1984-cü il təvəllüdlü Kəlbiyeva Gülnaz və övladları - 2012 ci il təvəllüdlü Kəlbizadə Elbrus Elmar oğlu və 2011 ci il təvəllüdlü Kəlbizadə Elgiz Elmar oğlu yanaraq ölüblər.

Hadisə zamanı iki nəfər müxtəlif dərəcəli yanıq xəsarətləri alıb.

Xəsarət alanlar 1959-cu il təvəllüdlü Nərminə Kərim qızı Kəlbiyeva və ailəyə qonaq gələn Rusiya vətəndaşı - 1991-ci il təvəllüdlü İsmayıl Süleyman oğlu Abbasovdur.

O, ikinci mərtəbədən aşağı tullandığından müxtəlif dərəcəli travmalar da alıb.

Onlar Masallı Rayon Mərkəzi Xəstəxanasına yerləşdiriliblər.

Hadisə yerinə Masallı Rayon Yanğından Mühafizə Hissəsinin 3 və Göytəpə Yanğından Mühafizə Hissəsinin 1 texnikası və canlı qüvvəsi cəlb olunub.

300 kvadratmetr evin 200 kvadratmetr hissəsi yanıb.

İlkin ehtimala görə yanğın şamdan baş verib.

Belə ki kənddə işıq söndüyündən şam yandıran ev sakinləri daha sonra onu nəzarətsiz qoyaraq yatıb.

<span>Masallıda yanğın zamanı ana və iki övladı ölüb, xəsarət alanlar var -</span><span xss=removed> Fotolar</span>
<span>Masallıda yanğın zamanı ana və iki övladı ölüb, xəsarət alanlar var -</span><span xss=removed> Fotolar</span>

Oxşar xəbərlər